fartura de tips

Como chega o verán e é bo hidratarse tráiovos unha receita de gazpacho que sirve para refrescarse e ademais está moi rico. Esta receita é moi sinxela e rápida de preparar. INGREDIENTES Medio quilo de tomates maduros Medio pemento verde 1 allo Medio cogombro Aceite de oliva   4 culleradas de vinagre de viño Pan Sal fina PREPARACIÓN Escalda e pela os tomates e méteos no vaso da batidora, engade o cogombro pelado e córtao en anacos, o pemento, o allo e o pan remóllaos en auga. Tritura durante uns segundos e engade o sal, o vinagre e o aceite probando para rectificar se fose preciso. Pasa cun coador a unha sopeira e deixa arrefriar durante unha hora. Canto máis deixedes arrefriar o gazpacho máis rico estará. Desexo que vos guste.

Como algúns de vos me pedíchedes mascarillas de aguacate hoxe estívenme informando sobre as propiedades desta fruta e vin que é moi eficaz no cuidado do pelo seco, danado, sin brillo e propenso á caída. As grasas insaturadas presentes na mascarilla de aguacate proporcionan ao pelo hidratación intensa, nutre o pelo fortalecendo a raíz e promove a rexeneración capilar .  Esta ligazón lévavos a páxina onde atopei as mascarillas e o proceso de elaboración. Espero que vos axude.

Para comezar unha vida saudable non se precisa demasiado, só ter forza de vontade xa que é algo moi imprescindible neste proceso. O mellor non é comezar rápido senón ir pouco a pouco. O primeiro que se debe facer é cambiar as comidas fritas e con moito aceite e graxa por unhas  á prancha. Despois hai que comezar a facer algo de deporte como camiñar, andar en bicicleta ou saír a correr. Hai que facer un pequeno horario para cumprilo e non perder a rutina. Este último é moi importante xa que o deporte é fundamental. Aínda que non o pensemos, o máis importante para ter unha vida saudable é relaxarse e non estresarte. Ademáis é aconsellable durmir máis de 7 horas diarias.

Xa chega o verán e por iso hai que comezar a protexerse do sol. Dende hai moito tempo temos o costume de pensar que si o día esta nubrado xa non hai que poñer protección solar, pero isto non é así. Todo o mundo debería acostumarse a poñer crema todos os días e seguir unhas rutinas durante o verán. Durante esta etapa do ano débese evitar tomar demasiado o sol durante a media mañá e débese poñer crema cun factor de protección bastante alto sobre todo nos cativos. Ademais hai que poñela bastante a miúdo para que o sol non nos dane a pel. Outra cousa moi importante é usar lentes de sol xa que os ollos son moi importantes e hai que protexelos ben. Durante a exposición ó sol hai que hidratarse ben porque coa calor podes ter mareos e por falta de hidratación. Para mellorar a túa rutina o mellor que podes facer é poñer cremas hidratantes despois de estar en contacto co sol. Espero que sigades estas indicacións e pasedes un bo verán.

Hoxe tráiovos unha receita moi sinxela para facer brownies. Esta encontreina en internet e espero que vos guste. Os ingredientes que precisaredes son: 125 gramos de manteiga con sal 3 culleradas  de chocolate, cacao en pó sen azucre. 1 cunca de azucre 1 cullerada de vainilla 2 ovos 1 cunca de fariña 1 cullerada de pós de forno.  Preparación: Prequentar o forno a 180C. Preparar un molde  e cubride o fondo con papel de aluminio. Nun bol de vidro poñede a manteiga e o cacao, derretídeo no microondas a potencia alta, uns 45 segundos.  Mesturádeo cun garfo, agregade o azucre e a vainilla, agregade un ovo e revolvédeo ata que se incorpore totalmente, facer o mesmo co segundo ovo. Agregade a fariña e os pós de fornear, revolver ata que estea listo. Vertédeo nun molde. Forneádeo durante 20-25 minuto. Deixádeo arrefriar totalmente antes de desmoldar e cortar en anacos. Espero que vos gustara a receita e que vaiades a preparala canto antes.

Últimamente vexo moito este tipo de vídeos xa que me gustaría poder concentrarme e sacar mellores notas nos exames xa que che da unha serie de consellos para afrontar os exames con máis enerxía e confianza. Como este vídeo me axudou moito gustaríame compartilo con todos vos. Espero que vos sirva de axuda tanto como a min.   Se vos  gustou este vídeo e tendes curiosidade por coñecer esta youtuber deixovos aquí un ligazón para entrar na súa canle. https://www.youtube.com/channel/UC3VNwT3ZOZZbkCr9rdP1FDQ